சிறுவர்களே உலகை வெல்லுங்கள் - விளையாட எங்களுக்கு இடம் கொடுங்கள்'

இன்று (20) தேசிய முன் பிள்ளைப்  பராமரிப்பு வாரம் 2025 இன் கடைசி நாளாகும். அதற்காக, மகளிர் மற்றும் சிறுவர் அலுவல்கள்  அமைச்சின் கீழ் உள்ள முன்பிள்ளைப் பருவ அபிவிருத்திக்கான தேசிய செயலகத்தால் ஏற்பாடு செய்யப்பட்ட முன்பள்ளிக்  குழந்தைகளுக்கான செயற்பாடு சார்ந்த நிகழ்ச்சி மற்றும் நிறைவு விழா கொழும்பில் உள்ள விஹார மகாதேவி உத்யானா வளாகத்தில் கௌரவ மகளிர் மற்றும் சிறுவர் அலுவல்கள் அமைச்சர் திருமதி சரோஜா சாவித்ரி போல்ராஜ் தலைமையில் நடைபெற்றது.

கௌரவ பிரதி அமைச்சர் வைத்தியர்  நாமல் சுதர்சன, அமைச்சின் செயலாளர் கே.டி.ஆர். திருமதி ஓல்கா, மேலதிக செயலாளர் (அபிவிருத்தி) திருமதி நில்மினி ஹேரத், சிறுவர் நன்னடத்தை மற்றும் பராமரிப்புச் சேவைகள் திணைக்கள  ஆணையாளர்கள் திருமதி கயானி கௌசல்யா விஜேசிங்க, மேல் மாகாணப் பாலர் பாடசாலைப் பட்டயப் பிரிவின் பணிப்பாளர் திரு. துஷ்மந்த ராஜபக்ஷ, தேசிய கல்வி நிறுவனத்தின் முன்பிள்ளைப் பருவ மற்றும் ஆரம்பக் கல்வித் துறையின் விரிவுரையாளர் திருமதி சகுந்தலா ரணசிங்க, தேசிய அபிவிருத்திக்கான செயலகத்தின் முன்பிள்ளைப் பருவப் பணிப்பாளர் டி.டி. திருமதி வருணி ராசதாரி மற்றும் பிற அதிகாரிகள், பெற்றோர்கள் மற்றும் முன்பள்ளிக் குழந்தைகள் என்போர் கலந்து கொண்டனர்.

முன் பிள்ளைப் பருவப்  பராமரிப்பு மற்றும் அபிவிருத்தி, இத்துறைக்கான தரமான சேவைகளின் தேவை மற்றும் முன்பள்ளிப் பராமரிப்பு மற்றும் மேம்பாட்டிற்கான எதிர்கால எதிர்பார்ப்புகள் மற்றும் திட்டங்கள் குறித்து சமூகத்திற்கு விழிப்புணர்வு ஏற்படுத்தும் நோக்கில் தேசிய முன்பிள்ளைப் பருவப் பராமரிப்பு மற்றும் அபிவிருத்தி வாரம் அறிவிக்கப்பட்டது.

ஜூலை 14 ஆம் தேதி தொடங்கி ஜூலை 20 ஆம் தேதி முடிவடையும் இத்திட்டங்கள், மாவட்டச் செயலகங்கள் மற்றும் பிரதேச செயலகங்களில் உள்ள சமூகக் குழுக்களுக்கு ஒரு வாரத்திற்கு முழு நாட்டையும் உள்ளடக்கிய வகையில் செயற்படுத்தப்பட்டன.